January 08, 2026
डोंगरमाथ्यावर जलशोषक चर खोदून आपला वाढदिवस साजरा करणाऱ्या पुणे जिल्ह्यातील जुन्नर तालुक्यातील पर्यावरणप्रेमी, वनरक्षक, जलनायक व माजी सैनिक श्री.रमेशजी खरमाळे यांनी आज गुरुवर्य रा.वि. पाटणकर सर्वोदय विद्या मंदिर माध्यमिक व उच्च माध्यमिक विद्यालयाला सदिच्छा भेट देऊन इयत्ता पाचवी ते दहावीच्या विद्यार्थ्यांना मार्गदर्शन केले. पर्यावरण संवर्धन, पशुपक्षी संरक्षण, ग्लोबल वॉर्मिग, जलव्यवस्थापन व जंगल संरक्षण या विषयावर त्यांनी विद्यार्थ्यांशी अतिशय प्रभावीपणे प्रश्नोत्तराच्या माध्यमातून सुसंवाद साधत मनोरंजक पद्धतीने मार्गदर्शन केले.
विद्यालयाचे माजी विद्यार्थी व अकोले तालुक्यातील मवेशी येथील ‘आम्ही पर्यावरणप्रेमी’ या फौंडेशनचे अध्यक्ष श्री.राहुल राऊत यांच्या विशेष प्रयत्नातून विद्यार्थ्यांसाठी या माहितीपर व्याख्यानाचे आयोजन करण्यात आले होते. विद्यालयाचे प्राचार्य श्री.भाऊसाहेब बनकर यांनी आपल्या प्रास्ताविकामध्ये अतिथींचा परिचय करून दिला व श्री.रमेशजी खरमाळे यांच्या पर्यावरणविषयक आदर्शवत अशा कार्याचे कौतुक केले.
विद्यालयाच्या वतीने श्री.रमेशजी खरमाळे यांचा सत्कार करण्यात आला. याप्रसंगी व्यासपीठावर अकोले पंचायत समितीचे केंद्रप्रमुख श्री.देवेंद्र अंबेटकर, प्राचार्य श्री.सुनिल धुमाळ, श्री.डगळे सर, श्री.राहुल राऊत, उपप्राचार्य श्री.दिपक बुऱ्हाडे, पर्यवेक्षक श्री.गोरक्ष मालुंजकर, श्री.शरद तुपविहिरे, श्री.संजय देशमुख व श्री.लहानू परबत उपस्थित होते.
श्री.श्रीकांत घाणे यांनी या कार्यक्रमाचे सूत्रसंचलन केले व उपप्राचार्य श्री.दिपक बुऱ्हाडे यांनी आभार मानले.
भारतीय सैन्यदलामधून सन २०१२ मध्ये निवृत्त झाल्यानंतर रमेश खरमाळे यांना मिळालेले विविध क्षेत्रातील पुरस्कार-
जय पर्यावरण….
