October 10, 2025
नेवासा, जिल्हा अहिल्यानगर येथे आज दिनांक १० ऑक्टोबर २०२५ रोजी क्रीडा व युवक सेवा संचालनालय व जिल्हा क्रीडा परिषद, अहिल्यानगर यांच्या संयुक्त विद्यमाने जिल्हास्तरीय ज्युदो स्पर्धा आयोजित करण्यात आली. या स्पर्धेमध्ये सत्यनिकेतन संचलित गुरुवर्य रा.वि.पाटणकर सर्वोदय विद्या मंदिर माध्यमिक व उच्च माध्यमिक विद्यालयातील विद्यार्थ्यांनी नेत्रदीपक कामगिरी करत पुणे विभागीय ज्युदो स्पर्धेसाठी आपले स्थान निश्चित केले.
१. निलेश गणपत लोहरे (११ वी विज्ञान), ५० किलो वजनी गट
प्रथम क्रमांक
२. मुर्तडक सुरज संजय (११ वी वाणिज्य), ५५ किलो वजनी गट
प्रथम क्रमांक
पुणे विभागीय ज्युदो स्पर्धेसाठी निवड !!!
३. विराज नामदेव देशमुख (११ वी कला) ४५ किलो वजनी गट
द्वितीय क्रमांक
४. करण काळू देशमुख (११ वी कला) ६६ किलो वजनी गट
तृतीय क्रमांक
५. मयूर खंडू मेंगाळ (इ ११ वी विज्ञान) ६० किलो वजनी गट
तृतीय क्रमांक
राजूरसारख्या आदिवासी भागातील विद्यार्थ्यांनी ज्युदोसारख्या खेळामध्ये अप्रतिम कामगिरी केल्याबद्दल सर्वांचे सर्वत्र कौतुक होत आहे. या खेळाडूंना क्रीडा शिक्षक श्री.तारू व्ही.टी. व श्री.आरोटे जे.आर. या दोघांचे मोलाचे मार्गदर्शन लाभले. मान्यवरांच्या हस्ते यशस्वी विद्यार्थ्यांना सन्मानित करण्यात आले.
सत्यनिकेतन संस्थेचे अध्यक्ष ॲड.एम.एन.देशमुख, सचिव श्री.एम.एल.मुठे व कोषाध्यक्ष श्री.विवेकजी मदन यांनी यशस्वी विद्यार्थ्यांचे कौतुक केले. विद्यालयाचे प्राचार्य श्री.बी.के.बनकर, उपप्राचार्य श्री.डी.जी.बु-हाडे, पर्यवेक्षक श्री.जी.बी.मालुंजकर व सर्व शिक्षक-शिक्षकेतर कर्मचाऱ्यांनी यशस्वी विद्यार्थ्यांचे अभिनंदन केले व विभागीय स्पर्धेसाठी शुभेच्छा दिल्या.
