जिल्हास्तरीय कुस्ती स्पर्धा: २०२६

क्रीडा व युवक सेवा संचालनालय, महाराष्ट्र राज्य पुणे, जिल्हा क्रीडा अधिकारी कार्यालय, अहिल्यानगर जिल्हा कुस्ती संघ व त्रिमूर्ती शैक्षणिक व क्रीडा संकुल, नेवासा फाटा यांचे संयुक्त विद्यमाने नेवासा येथे भव्य जिल्हास्तरीय शालेय कुस्ती स्पर्धेचे आयोजन करण्यात आले होते. या स्पर्धेत सत्यनिकेतन संचलित गुरुवर्य रा.वि.पाटणकर सर्वोदय विद्या मंदिर माध्यमिक व उच्च माध्यमिक विद्यालयातील चार कुस्ती मल्लांनी सुवर्णपदक पटकावले.

या सर्व विद्यार्थ्यांची ५ ऑक्टोबर रोजी होणाऱ्या सोलापूर विभागीय कुस्ती स्पर्धेसाठी निवड झाली आहे.

सत्यनिकेतन संस्थेचे अध्यक्ष ॲड.एम.एन.देशमुख, सचिव श्री.एम.एल.मुठे, कोषाध्यक्ष श्री.विवेकजी मदन व प्राचार्य श्री.बी.के.बनकर यांनी यशस्वी विद्यार्थ्यांचे कौतुक केले. साई कुस्ती आखाड्याचे संचालक श्री. तान्हाजी नरके यांच्या अथक परिश्रमातून जिल्हापातळीवर विद्यालयाला हे यश प्राप्त झाले आहे. क्रीडा शिक्षक श्री.तारू व्ही.टी. व श्री.आरोटे जे.आर. यांचेही मोलाचे मार्गदर्शन या विद्यार्थ्यांना लाभले.