October 18, 2026
जनजाती कल्याण आश्रम, पश्चिम महाराष्ट्र प्रांत ही अखिल भारतीय वनवासी कल्याण आश्रमाशी संलग्न असलेली एक अग्रगण्य सामाजिक संस्था असून, ती महाराष्ट्रातील दुर्गम, डोंगराळ आणि वनवासी (जनजाती) भागातील बांधवांच्या सर्वांगीण विकासासाठी कटिबद्ध आहे. ‘तू, मी, एक रक्त’ या उदात्त ध्येयवाक्याचे पालन करत ही संस्था शिक्षण, आरोग्य, ग्रामविकास, आर्थिक स्वावलंबन आणि क्रीडा अशा विविध आयामांच्या माध्यमातून जनजाति समाजाला मुख्य प्रवाहात आणण्याचे काम करते. पश्चिम महाराष्ट्र प्रांतात या संस्थेचे कार्य अत्यंत विस्तारलेले असून, वसतिगृहे चालवणे, मोफत वैद्यकीय शिबिरे आयोजित करणे, महिलांना कौशल्याधारित रोजगार देणे आणि जिल्हास्तरीय खेळकुद स्पर्धांसारख्या उपक्रमांतून ग्रामीण भागातील तरुण खेळाडूंना थेट राष्ट्रीय स्तरापर्यंत व्यासपीठ मिळवून देणे, यामध्ये या संस्थेचे मोलाचे योगदान आहे.
पच्छिम महाराष्ट्र प्रांत व जनजाती कल्याण आश्रम, अहिल्यानगर यांच्या संयुक्त विद्यमाने आयोजित जिल्हास्तरीय खेळकुद स्पर्धा २०२६ ही ग्रामीण आणि दुर्गम भागातील जनजाति (वनवासी) युवा खेळाडूंच्या सुप्त क्रीडा गुणांना हक्काचे व्यासपीठ मिळवून देणारी एक अत्यंत महत्त्वपूर्ण क्रीडा स्पर्धा आहे. अखिल भारतीय वनवासी कल्याण आश्रमच्या क्रीडा आयामांतर्गत होणाऱ्या या जिल्हास्तरीय स्पर्धेत प्रामुख्याने कबड्डी, खो-खो, तिरंदाजी (धनुर्विद्या) यांसारख्या पारंपरिक खेळांसह धावणे, लांब उडी व उंच उडी अशा विविध मैदानी खेळांचे आयोजन केले जाते. या स्पर्धेचा मुख्य उद्देश निकोप क्रीडा संस्कृती जोपासणे, वनवासी समाजातील गुणवंत खेळाडूंचा शोध घेऊन त्यांना योग्य प्रशिक्षण देणे आणि येथील यशस्वी खेळाडूंना पुढे प्रांत (राज्य) व राष्ट्रीय स्तरावरील ‘राष्ट्रीय क्रीडा महोत्सवा’ पर्यंत पोहोचण्याची संधी उपलब्ध करून देणे हा आहे.
पच्छिम महाराष्ट्र प्रांत व जनजाती कल्याण आश्रम, आहिल्यानगर आयोजित जिल्हास्तरीय खेळकुद स्पर्धा २०२६ नुकत्याच अकोले महाविद्यालय, अकोले येथे पार पडल्या. या स्पर्धेमध्ये गुरुवर्य रा.वि.पाटणकर सर्वोदय विद्या मंदिर माध्यमिक व उच्च माध्यमिक विद्यालयाच्या ८ विद्यार्थ्यांनी सहभाग नोंदवला. विविध खेळ प्रकारांमध्ये या सर्व खेळाडूंनी अतिशय चमकदार कामगिरी करून विद्यालयाचा नावलौकिक वाढविला.
• पोरे समीर (१२ वी कला)– गोळा फेक – प्रथम
• भोईर ऋतिक (१२ वी कला)– गोळा फेक – द्वितीय
• भांगरे रुद्र (११ वी विज्ञान) गोळा फेक – तृतीय
• पोटे ओंकार (१२ वी विज्ञान) – हाफ मॅरेथॉन – तृतीय
• लावरे आदित्य (१२ वी वाणिज्य), धादवड जयेश (१२ वी कला), पोटे ओंकार (१२ वी विज्ञान), पोरे समीर (१२ वी कला), वायाळ प्रतिक (११ वी कला) – १०० x ४ मीटर रिले – तृतीय
या सर्व खेळाडूंची २५ ऑक्टोबर २०२६ रोजी नाशिक येथे होणाऱ्या प्रांतस्तरीय क्रीडा स्पर्धेसाठी निवड करण्यात आली. राजुरसारख्या आदिवासी भागातील विद्यार्थ्यांनी अतिशय प्रतिष्ठेच्या समजल्या जाणाऱ्या या जिल्हास्तरीय स्पर्धेमध्ये केलेल्या या अप्रतिम कामगिरीमुळे त्यांचे सर्वत्र कौतुक होत आहे.
सत्यनिकेतन संस्थेचे अध्यक्ष ॲड.एम.एन.देशमुख, सचिव श्री.एम.एल.मुठे, कोषाध्यक्ष श्री.विवेकजी मदन, ज्येष्ठ संचालक श्री.विजय पवार, प्राचार्य श्री.भाऊसाहेब बनकर, उपप्राचार्य श्री.दिपक बुऱ्हाडे व उपमुख्याध्यापक श्री.संजय व्यवहारे यांनी यशस्वी विद्यार्थ्यांचे कौतुक केले. क्रीडा शिक्षक श्री.विनोद तारू व श्री.जालिंदर आरोटे यांचे मोलाचे मार्गदर्शन या विद्यार्थ्यांना लाभले.
विद्यालयातील सर्व शिक्षक-शिक्षकेतर कर्मचाऱ्यांनी यशस्वी विद्यार्थ्यांचे अभिनंदन केले व प्रांतस्तरीय स्पर्धेसाठी शुभेच्छा दिल्या.
